DATGANIAD I’R WASG

MEDIA RELEASE

Embargo tan 00.01, 20 Gorffennaf 2017

Llywodraeth Cymru yn ariannu tyrbin gwynt CELT2 – datganiad gan Gadeirydd y Pwyllgor Cyfrifon Cyhoeddus

Mae Nick Ramsay AC, Cadeirydd Pwyllgor Cyfrifon Cyhoeddus Cynulliad Cenedlaethol Cymru, wedi rhyddhau'r datganiad canlynol mewn ymateb i adroddiad Swyddfa Archwilio Cymru – 'Llywodraeth Cymru yn ariannu Carmarthenshire Energy Limited'.

Dywedodd Mr Ramsay:

“Mae adroddiad yr Archwilydd Cyffredinol yn amlygu ystod o wendidau llywodraethu sy'n bygwth hygrededd Llywodraeth Cymru yn ariannu tyrbin gwynt CELT2 yn Sir Gaerfyrddin.

“Rwy'n pryderu ynghylch y gwrthdaro buddiannau yr oedd Llywodraeth Cymru a'r cwmni cyflenwi, yr Ymddiriedolaeth Arbed Ynni, yn ymwybodol ohonynt ond a oedd wedi methu â'u rheoli i lefel dderbyniol.

“Roedd diffyg manylion a chydbwysedd digonol yn y briff dilynol a roddwyd i'r Gweinidog a roddodd y gymeradwyaeth derfynol ar gyfer £810,000 o becyn ariannu'r Llywodraeth.

“Yn benodol, mae'n destun pryder na chafodd y Gweinidog wybod am y gwrthdaro buddiannau nac am yr ystod o ganlyniadau posibl mewn perthynas â'r arian dros ben y gallai'r cynllun ei greu i'w ailfuddsoddi yn y gymuned leol.

“Bydd y Pwyllgor Cyfrifon Cyhoeddus am ystyried yr adroddiad hwn yn ofalus, gan ei fod yn awgrymu diffyg llywodraethu cadarn ynghylch defnydd Llywodraeth Cymru o arian cyhoeddus i ariannu cyrff gwirfoddol sy'n bwriadu darparu a chefnogi mentrau pwysig sydd o fudd uniongyrchol i gymunedau lleol.”

Mae'r adroddiad llawn ar gael gan Swyddfa Archwilio Cymru.

Nodiadau i olygyddion

I gael rhagor o wybodaeth, neu i wneud cais am gyfweliadau, lluniau neu gyfleoedd ffilmio, cysylltwch â gwasanaeth cyswllt â'r cyfryngau y Cynulliad Cenedlaethol ar 0300 200 7487, neu anfonwch neges e-bost at newyddion@cynulliad.cymru.

English

Cymraeg